20.03.2010

Eg har null viljestyrke. Dette har eg igrunn visst om heile tida, men blei ekstra bevisst idet eg siste laurdag avslutta E-vakta mi (pubvakt til 00.30) og satte meg ned for å prate litt med min kjære kollega Jarle. To minutt seinare kom Richard (kollega på den billige sida av baren) med to stk. "Magaluf", ein longdrink Jarle visstnok hadde meska seg med på ferie med kompisgjengen tidlegare. Sol og sommer og alt det der. Vodka, sprite og eplejuice. Igrunn ganske smakfullt! Ein Heineken-svinn, ein Murphy's Red og to hundre tusen ord seinare, fekk eg lyst på enda ein Magaluf. Og så kom det ein Sambuca-shot på disken, som eg ukritisk heiv i meg (!) og tenkte som så "Hehey, klokka er jo berre ett!! Keep 'em comin!!".

 

Dagen etterpå, ca 6-7 meter oppe i klatreveggen på Fantoft var det ein anna tanke som slo meg. "Dette var ein dårlig idé".

Etter ein suksessrik eksamen denne veka har eg framleis til gode å feire. Når eg torsdag ettermiddag fekk vite at eg hadde fått ein B i tolking, ledsaging og skildring for døvblinde (ja, tenk litt på den, du) holdt eg på å skrubbe toalettet. Deretter gjekk eg på jobb, og feira med ein eplemost.

Dette har totalt sett vert ein kald, brutal, langvarig og utmattande manndomsprøve. Nevnte eg kald? Eg snakka sjølvsagt om vinteren 2009-2010. Men det tar seg opp! Det går mot vår, folkens! Eg måtte faktisk i butikken og kjøpe meg nye støvlar for å vere på den sikre sida, no som snøsmeltinga tar til her i Bergen. Eg er så lykkeleg, takk og lov for REGN og PLUSSGRADER!

Alt regnet får meg til å ha lyst til å skrive lister. No blir det liste over ting eg har billetta til:

• KENT i Greighallen 25. mars
• Tog til Oslo 13.-16. mai (Yngvar og Trond skal gifte seg)
• Russland (07.-21. iolia)
• MUSE på Koengen 23. juli
• MAIDEN på Koengen 11. august